"mi(sual).com" - 10 new articles
Arunachal, China!?India hian Bangladesh leh Pakistan hi chu a thamlo ve thei khawp mai mahse, a ngam loh lakah chuan inhrosa chunga a zia lang takin a uipui meikhup zul zul thung niawm tak a ni. 1962 khan Jammu and kashmir chhung a Ladakh District a mi Aksai Chin chu China hian a lo la tawh a. Helai Himalayan border kilometer 3,225 lai a sei ah hian China chuan awlsam takin a duh duh in a lo lut chhuak tawh a, Pangong lake bul, Karakoram pass velah te lek phei chuan Chinese sipai te chuan India sipai post te chu an nawr chhuak mai pawh ni lovin, a su per (eject) chhuak nawlh nawlh mai anih kha.
map source: Wikipedia, click for larger size East lamah pawh Assam/NEFA bawr vel chu PLA (Chinese People’s Liberation Army) lakah India chuan theih tawpin lo dan tum mahse, Chinese sipai ralthuam tha eltiang hmang, training tha zawk bawk chu dan ngaihna an hre hlawl lo a ni. A ni hmasa berah ngawt pawh Tsang Le post, Namka Chu thlang lam a awm te, Khinzemane post, Dhola kiang ami te chu an nuai pherh nghal vek mai a ni. Tichuan, October 23 ah Tsang Dar an la leh a, October 24 ah Tawang, India 7th Infantry head quarter chu an hrual leh hrep bawk a nih kha.
India chuan China hi India ram 38,000 Sq Km awpah puh mahse, China erawh chuan an ram chhung ngei a ni a ti mauh mai si a, India tan chuan tih ngaihna vak a awmlo a ni maithei, a ngam miau si lova! Sipai indo chu reh tawh mahse, politics lam hmangin kum 30 chuang an la in nghirngho zel tho a. Kum 1994 atang khan, “confidence-building measures” tih hming chawiin hotu lian zual te chu inremna awm zel nan an in be chhunzawm ta zel bawk a. China chuan Arunachal Pradesh chhungah te hian kawngte siamin, rel kawng (rail road) te pawh a rawn siam lut ruih tawh a, India chuan engmah hrelo angin a ngawi hle hle mai. Boruak a in mung chho zel a India chuan tlawm ngawt ai ti niawm tak chuan October 2009 khan sipai tam tak Tawang area velah hian a han thawn chho leh a, tah hian Mizo, India sipai officer te pawh an tel nghe nghe a ni. Tawang, Arunachal Pradesh ah hian a khaw mi te ang zat deuh thaw India sipai hi an awm reng thin bawk. India sipai hotu te khilam an han kal ve hian, kawng a bumboh avangin 4WD engine chak tak hmang lo chuan an kal thei lo. China lam hotu te chuan border a an sipai te an tlawh ve dawn chuan, black top kawng nuam takah foreign car in an inkhalh lut zal zal bik thin a ni, an ti. Engpawh chu lo nise, India map hi han en ta ila, North East region intanna chiah mai hi te reuh te in a rek rat mai a nih hi. Hemi atanga Hmar lam zawng hi India chhung ni tur reng hi a ni thei angem, India hian a claim loh tur claim ve ngawtin, Tawang, Arunachal Pradesh hi India ram a lo ni reng em ni?!! Foreign-ah ka kal ve a!Hman ni khan thian za hovin Zokhawthar kan kal ve a, Burma ram kan va lut rei lo te, eng teh ual zawng a lo ni law!!! Kan sawi duh tak chu, Sawrkar hian Border Trade hi nasa takin a buaipui thin a, Sumdawng mi ten (phalna neia ?) sumdawngin helam kawng a sumdawng thin te chu vawi tam tak Zokhawthar lam kawngah hian an kal ka ring a. Helam kawng chhiat zia hi ha hip a an sawi ve ngei ka ring? Sawrkar hotute pawh an kalve tawh thin ngei chuan ka ring a, nuam an ti emawn le ? Hei ai chuan siam zauh leh siam that dan a awm lo nge ni a, Burma nena insumdawn tawnna hi tih changtlun an tum lem lo. Kan Mizo thawnthu a 'Hringlang tlang' kawng te phei chu tunah tak phei chuan Motor han kalna chiah ka ngai lo. Khualzinte hiptu tha tak a ni awm sia. Thil hre zawk ten han sawi teh u khai! A leng lawk mang eKrismas a lo hnai leh ta, krismass vanga lunglenna chi hrang hrang awmthei avangin a leng lawk leh der tawh mai. Misual ho in lung a leng ve ngai em le? Lung lah chu a leng der lo tih dawnin lungleng an tih ang deuh chu a nih hmel bawk si !! Tunge ngaih ber pawh hriat loh hian a ni veng veng mai a, chutia mahni chauha 'ber thla eng ruih mai, a chhawrtu tana malsawmna chhiar sen loh ni hial tur thlir a ka van ka van lai chuan ka suang tuahna khawvelah ka lo cheng reng chu niin !! Chung chhawrthlapui lah chu a eng ropui mai si a, duh takte nen mahni chauhin chu a eng mawina chu khawilai emaw thingbuk hnuai thim chin a\angin han lawm teh reng ila aw..'Duhaisam chu kan thleng ta, tawnmang reng kan ngai tawh lo, hei ngei hi maw lo ni le damlai pialral' te pawh kan ti ve thei tur a le(h). Mahse, chu'ng chu khawilam ah hi a ni ringawt mai bawk si. A eng si, lung a leng ve deuh bawk si !! Tute emaw chuan ka suangtuahna hi a tak ram an lo chen reng pawh a ni mai thei.
Rilru in Bethlehem lam ka'n hawi a, tah zet chuan ka puak keh lo chauh a ni ta mai. Ka awm ngaihna hre lo chuan mahni hriat tawk lekin pate vuina hla bass ang maia thum lo leh lai nalh fahran chuan "A lalna ram chu rawn pelin" tih hla kha ka'n sa ve bul bul a, rilru ah hla dang a rawn lang leh. Kum kalta Krismas lenkhawmnaa nula hmeltha tak bula thu chunga kan sak ngei mai "I hlim ang, i lawm ang u…" Kha tih hun lai kha chuan eng mah eng helh nei lo khan kan leng vel mai mai thin kha a ni a, tunah erawh za mual liamin nun hlui an chang zo ta. Koh kir theih ni si lo, chutah zet chuan mi hla siamsa mai chuan min hnem zo ta lo! Mahnia a thluk siam chawpin "Nunhlui zamual liam tawh hnu ngaiin ka van ruai a, kohkir theih si loh aw kan nunhlui…" Ka sa zawm ngam tawh thlawt lo! Nun hlui ngaia van ruai khan hma lam hun ka'n thlir a, a mak a makin ka khaw harna chu a rawn zual ta ! Kan hma lawkah Krismas a lo thleng leh dawn a, khawi hmunah pawh kal ila, kil tin atangin "Tu ti ring thei thei" ti niawm fahranin Krismas hla kan han zaitir leh hlawm ang a. Urlâwk zan alo thleng ang a, a vawt ang tih hlau takin kawrlum hak thuah tun chungin ka'n tei chhuak ve ngawt ang a, mite chu mi u te nen kawpte'n an mal len leh ang a, chutih hunah zet chuan he valrianga hi a va han riang leh dawn êm! Nula ar kanpui tur zawngin arpa lian tha tawk kan han pawm chhuak ve leh ngawt ang a, zing dar 3 velah pawh kan la inpawm 'ti ti ik….' leh lauh lauh mai ang tih ava hlauhawm em! Ruaitheh ni a lo thleng ang a, zingah phak chel chualin sa channa lamah kan han in la borti ve leh ang a, nula leh tlangval rualin sa kan han chan leh mur mur ang a, a hman zual deuhin nula bula thu chungin an urlawk zan hman dan sawiin an lo nui hawm hawm hlawm ang a, a thenin aurinna atangin 'he…lamah sa chan sa dah tur..' an rawn ti lauh lauh ang a. Ruai kan han theh dawn ang a, ruai \heh dawn vang nge ni, lenkhawmna in lamah lah chuan zai thawm a tha telh telh ang a, ruai theh nang hman lo lek lekin a tui zual kha an han zai leh ang a. Aurinna atangin "Ruai theh turin lo kal khawm tawh r'u le…" an han ti ang a, a ngaihthlak a nuamin aw mawi ava ni leh dawn em! Chutah kan han theh tan ang a, nula bula eive tum ran chungin chhingmit (mengmit?) kan han lenkual leh ang a, nula bula eina tur hre leh dawn hek lo le, patlingho bulah phurlo zetin kan han ei ve leh teuh ang a. Chutih laiin aurinna atang bawkin "He lamah ke pali sa ei theilo tan…" Nula thenkhat ei mawi loh hlau an han kham hma leh ang a, fatu ten chaw leh sa an rawn sem zel dawn tho si a le(h)! An hloh kha hlepah kan lo chhiar leh tak tak ang a. Nopui, satuia khat lung mai chhunga zan lama kan tur tia sa hrang thlak ru zauh zauh pahin biang pawng ang telh tawlha "Savun ip a keh theilo" tia tawng tuam tuam chungin dul hmul khat phuar khawpin kan han hai goal leh ang a, chutah eiluat tuarlo tih hriat takin hman hmawh takin kan han tlan haw ang a, ei sa zawng zawng deuh thaw chu kan han paih chhuak leh dawn a nia le(h). Chutah tisa lama puar tawh, thlarau lam ruai theh turin masi lenkhawm na inah kan han lut khawm ang a, tisa lama puar peng pawng tawh vek kan nih avangin zai pawh a tang tha leh dawn si a, thlarau lam ruai a in hnawh puar leh tumin kan tum ber theihnghilh ni awm zia zangin kan han bei leh tak tak ang a, a then lo let reng lah bo dawn hek lo, mahni zai lai theih nghilh thak khawpin a hawk dak deuhin kan han en leh vung vung ang a…. Aw, chung hun lo thleng tur zawng zawng pawh chu nakinah chuan lung ti lengtu mai an chang leh zo hlawm dawn si a le(h)! A leng lawk mange! Boarding School leh Naupang khuaikhem.Tunlaiah naupang lian tawh(Tleirawl/rawlthar) ten ai a naupang lo khawih ching pen a tam ta hle, naupang leh naupang tho anni si a,victim ve ve anni ringawt a offender te chu tu nge niang? Society hi anni thei a ngem? Kan ngaihsak loh lam boarding school Cl 2-10/12 te awm hona School hi lo ngaihtuah ila, naupang te te kum 7 vel a trangin kum 17 bawr te hmun khatah an awm a infiam leh ei in hmun khatah an ti a, naupang te zual te hi an risk a va sang em aw. Naupang lian zawk te hian lo khawih chingpen ta se..mipa leh mipa te pawh sawi sep a awm nual a nih hi, Sorkar laipui hian chhan awm loin Primary level, Middle level, High school, higher level a thren hran hian chhan tam tak a nei ngeiin a rinawm. Mithiam zawk ten tunhma a anlo duan dan hi, a ai a thra hre ta ni awm tak hian Private school ho hian hmunkhatah an dah dul dul mai a, SORKAR ber lah hian pip e pup e a ti si lova, naupang inkhuangrual lo tak tak te hi playground intrawm pawh hi a him lo ka ti. Misual thrian te u, han sawi ve teh u inngaihdan. Mara hnam chungchangSubmitted by HZo via mail Tun hnai mai khan minister hlui Pu Zakhu Hlychho chuan a lekhabu ' Mara hnamte tobulh' tih chu a release ta a. He lekhabu hi Mara hnam chungchang hrechiang duh tan leh Mizo-hnahthlak hnam hrang hrangte chanchin chipchiar zawka zirchiang duhte tan thil tangkai tak a ni ngei a rinawm. Mizo mipui tam takte hian Zo-hnahthlak hnam hrang hrangte chanchin hi kan hrechiang tawk lo fo thin. Marate hi chhimtawp a cheng mahni a tawng hrang neih, missionary paw a hran ngata neih an ni a. Zoram chhunga Zo-hnam zingah chuan mahni tawng leh culture la vawngnung ber an ni a rinawm. Tun thlengin Mara zingah a tam zawk chuan Mara tawng an la hmang reng a, hmun thenkhata phei chuan Lusei (Duhlian) tawng la thiam tha lo te an awm nuk mai. Mara hi mi thenkhatin kan hriat angin hnam chi 5- (Tlosai, Chapui, Zawngling, Hawthai leh Vawngtu) ah an in then a. Heng hnam peng pangate hi khawhming leh ram/hmunhma hming an ni tel vek bawk. Entirnan, Vawngtute hi Chin Hills-a khaw pakhat Vawngtu atanga thlangtla an ni a. Hei hi hnam hming angin an chhawm zui ta mai a ni. Chutiang bawkin Chapui chu chapui leh a chhevelah khaw 4 vel chapui tawng hmangte sawi nan hman a ni. Mara hnam pangate hian tawng hran nei theu mahse, an inhrepaw tawn theih vek thung. Vawngtu (Vytu) leh Zyhno (Zawngling) hi mi tam takin har an tih a. Chapui (Chapi), Tlosai (Serkawr) leh Hawthai-te erawh tawng chi khat ti theih an ni. Vawngtu tawng hi Lai nen inanna tam tak a awm a, Lai leh Mara unau an ni ziah tihlangtu an ni mai theih. Mi tam takin har tih mase a tawng hmangtute khawsakna Siata leh Ainak khaw thenawm te chuan awlsam takin an hre theih. Zawngling tawngte paw ngaithlak zin chuan awlsam taka hriat thiam mai theih a ni. Heng tawng chinga te zingah hian thu leh hla zia nan erawh Tlosai tawng, Mara tawngte zingah awlsam ber chu hman a ni a. Tlosai chu Lingua-Franca anga ngaih theih a ni. Mara tawng chi ngate in zul dan entirna thenkhatte Duhlian : khawnge i kal daw? Dulian : I inkhawm em? Dulian : Ka lawm e German goalkeeper a thiGermany National Football team goalkeeper Robert Enke, kum 32 mi, nakum World cup a German tana goal veng tura an ngaih chu Niedersachsen police te chuan aruang chu Hanover, Germany atanga km 25 vel NW lam hawi a rel kawng kanna hmun ah tun Nilaini ni 11, 2009 hian an chhar.
National team coach Joachim Loew leh an manager Oliver Bierhoff te chuan an thudawn in a barakhaih thu an sawi. CNN in apuan danin, Enke hi pawisa lam (financial) leh a fa thih chungchang avanga nasa tak mai a rilru lam hahna (stress) nei a nih angin a rilru beidawnna (depressed) neih na ah enkawl mek a ni, a ti. A fanu kum 2 mi chu lung lam that lohna avangin kum 2006 khan alo chan tawh a ni. Tunah hian fadang thla 8 mi (adopt) a nupui Teresa Enke nen hian an nei. Police lam chuan Enke hian lehkha hnutchhiah a neih thu an sawi bawk. Robert Enke hi Germany national team leh club Hanover 96 a khel mek a ni. A nupui Teresa Enke chuan, “I tried to be there for him,” Teresa Enke said, choking back tears. “When he was acutely depressive, it was a difficult time. We thought we’d manage everything. We thought with love, we could do it. But you can’t.” a ti Thu lakna : http://sports.yahoo.com/sow/news?slug=ap-germany-enke&prov=ap&type=lgns October 2009, Mizoram Diary1st. Thursday: Vawiin khan Vanapa Hall-ah thisen pete chawimawina ni 'National Voluntary Blood Donation Day' Association for Voluntary Blood Donation leh MSACS buatsaiha hman a ni a, Health Minister, Pu Lalrinliana Sailo-in a hmanpui a ni. 2nd. Friday: Synod Committee Room, Zosaphluia Building-ah Pastor Nupui Intawhkhawm vawi 36-na neih a ni a, Upa Dr. R.L. Thanmawia, Ramhlun South chuan hmanpuiin 'Nang malsawmna ni ang che' (Gen. 12:2) tih thupui hmangin thuchah a sawi a ni. Presbyterian Kohhran Pastor Nupuite hian kum tin intawh khawmna hun an hmang thin a, mithiamte ruaiin thuchah ngaihthlak bakah thupui thlan bik paper te an zirho thin a, an pasalte rawngbawlna an tawiawm theih dan tur leh Kohhran tana Nu nih tling an nih theihna tura theih tawpa hma la tura infuihna hun te hman a ni bawk thin. 3rd. Saturday: Bethlehem Kohhranah Sunday School Zirtirtu Training neih a ni a, Pu Lalthahluna Ralte, MSSU Asst. Coordinator, Upa Lalchhuanawma, Zuangtui leh Pu Lalthanchhunga, Bungkawn (MSSU Trainers) te training neihpui hian an kal a ni. Zan Pathian Biak Inkhawmah Pu Lalthanchhunga'n Child Evangelism (Naupangte hmakhua) thuchah a sawi bawk. 4th. Sunday: Durtlanga St. Francis of Assisi Bial Catholic Kohhran kut hman a ni a, Aizawl Bishop, Most Rev. Stephen Rotluanga chuan Biak In kut lawmna hmanpuiin Kohhran member-te tan Pathian hnenah malsawmna a dil a, lawmthu sawina Mass leh Eucharist thianghlim a hlan a ni. Durtlanga St. Francis of Assisi Kohhran hi kum 2 kal ta atang khan bial puitlingah hlan kaia Puithiam awpa dah a ni.
5th. Monday: Luangmual Vengthlang Branch KTP member, Pathianni hmanga Thenzawl Field Veng KTP tlawhtute chuanna Bus, Thangvuka, Durtlang-a mi ta, MZ-01-B-5737, Aizawl pana lo let chu tukin dar 8 vel khan Changte kam, Aizawl lamah a meter 50 vela thui a luma, a hmunah Danial Lalruatfela (18), S/o R.Lalremliana Luangmual Vengthlang chu a boral nghal a ni. Mi 25 laiin hliam an tuar bawk. Bus chetsual chhan hi driver mutthluk vang a nih rin a ni. 6th. Tuesday: Mizo pa zinga Pathian rawngbawltu ropui leh Mizo te tana thu leh hla lama sulhnu ropui tak hnutchhiah tu Rev Liangkhaia piancham vawi 125 na 'Quasquicentenial' pualin Seminar leh Exhibition inkawp hman a ni a, Pu PC Zoramsangliana Art & Culture Minister in a hmanpui.. He hun hi Sahitya Academy Kolkotta, North East Centre For Oral Literature Hqrs. Agartala, Mizo Academy of Letters leh Zoppen Club International Hqrs. Aizawl te'n an buatsaih a ni. 7th. Wednesday: Excise and Narcotics Enforcement Staff duty-ten vawiin chhun khan Sihphir-ah sap zu, um 267 leh zu phurtu motor 2 an man. Hemi rual hian mi 5 man an ni bawk a, chungte chu: Biakliannguri, Bawngkawn, Lalramnghaki Dinthar-II, Lalmuanpuia Kolasib Diakkawn, Vanlalhruaia Kolasib Hmar Veng leh Lalchhandama Edenthar-te an ni. An motor mante hi Maruti Gypsy leh Maruti Car an ni. 8th. Thursday: Vawiin atang hian Mizoram chhung leh ram pawna Presbytery hrang hrangte'n Inkhawmpui an hmang tan. He hun hian Pathianni thleng a awh ang. Presbytery thenkhat chu remchan zawkna avangin hmang hma leh hmang tlai an awm bawk. 9th. Friday: UPC International Ladies Auxiliary Department khawmpui lian chu vawiin atang khan Lunglei Chandmary venga UPC Biak in-ah hman a ni. He inkhawmpuiah hian Zoram hmun hrang hrang atangin rorel palai 750 vel an tel a ni. Tun tuma khawmpuiah hian thupui atan "Thianghlimna" tih hman a ni. 10th. Saturday: Zomi Innkuan, Aizawl buatsaihin vawiin khan kum tin October thla-a neih thin, Khuado Festival 2009 chu Vanapa Hall-ah hman leh a ni a, ZIDCO Chairman, Pu Lalrobiaka'n a hmanpui 11th. Sunday: Saiha district chhunga Tuisumpui ramah ramvak C.Lalchungnunga (26) s/o C.Chhaly chuan a ramvah pui , LC Va-u (51) s/o LC Laihli chu sa emaw tiin a ulhbun silai (SBBL) in a lu-ah a kap a, musep 5 ngawt a taksa ah hian a lut a, a hmunah a thi nghal ani. C.Lalchungnunga hi hetia mi a kap tih a inhriat veleh hian engemaw chen chu nikhaw hrelovin a awm nghal a ni. 12th. Monday: Phullen khaw VDP-te chuan an khuaa misual pakhat, Silai lem nena mi vaua pawisa dil thin, Zarzoliana (29) chu tukin dar 3:30 khan mi rikrapna atana a hman silai (M-16) leh a mu lem, a tak ang tak nen an mana; hemi chungchang hi anmahni bialtu Saitual Police Station-ah hriattir nghal a ni a, vawiin khan Saitual Police-te chuan he misual hi an kuta kawl turin an la nghal a ni. 13th. Tuesday: Serchhip District-a Thentlang khuaah tukin dar 1:15 khan Pu Sangkhama In (Assam Type) chu a kang ral vek. A kang tih hriat a nih veleh he Ina chengte chu an tlan chhuak nghal a, thi leh hliam an awm lova, kangmei a chhuak tih an hriat hian thelh rual a nih tawh loh avangin an tlan chhuah paha mutbu leh thawmhnaw tlem azawng an tlan chhuahpui bak chu engmah chan an nei lo a ni. Kangmei tuar chhungkaw tanpui nan hian Serchhip DC chuan cheng 25000/- a pe a, vawiina YMA hnatlangte thingpui lum nan cheng 2000/- a pe bawk a ni. Hemi bakah hian Gratuity Relief ni 7 chhung atan an chhungkaw member 3 tan cheng 20/- zel a pe bawk dawn a ni. 14th. Wednesday: Assam-a zirtirtu lungawi lo, All Assam Teachers' Akyamanch chuan darkar 12 chhung Bandh an huaihawt avangin Mizoram lam pan motor a tlem hle. 15th. Thursday: Mizoram Assembly Budget Session chu vawiin khan tan a ni. A tan ni hian Session hmasa leh tun Session inkara mi pawimawh thi tate sun a nih bakah 2009-2010 chhunga sorkar sum hman tur budget chu Chief Minister, Pu Lal Thanhawla, Finance Minister ni bawkin a pharh nghal bawk a ni. 16th. Friday: ZONET buatsaih, Mizo Idol thlanna, hun rei tak atanga neih chu zanin khan Chanmari Hall-ah zawhfel a ni taa; a pumpuiah H.Lalchhanchhuaha Sumsuih chu pakhatna niin lawmman tangka fai Rs 40000/- bakah thlatin ZONET lawmman hun engemaw chen a dawng anga; company leh mimal duhsaktute'n lawmman engemaw zat an pe bawk dawn a ni. Lawmmante hi Minister Pu Zodintluanga'n a sem a ni. 17th. Saturday: Mizo Student Union President hlui Pu K.Laldinthara chuan eiru nia rin thlanna buatsaihtu PRISM leh an thawhpuite chu mahni mita khanchhuk awm hmu lova mi mita hmawlhte ngaimawhah a puh. 18th. Sunday: North East India Christian Council (NEICC) puala tawngtai ni a nia; he pawla tel Kohhran hrang hrangte'n he hun hi hmangin hemi pual hian tumkhat thawhlawm lakkhawm a ni bawk. 19th. Monday: Tukin khan Tuikual South-a MIZOFED Gas semna bulah 407 truck, MZ 01 E-0610 UD&PA in bawlhhlawh paih nana an hman thin chu handyman Lalrinmawia (19) Tuikual North chuan tinungin, gear-ah a thuna; a thunun leh theih siloh avangin a hmaa taxi tlan lai MZ 01 E-6670, Lalhmangaiha, Durtlang Leitana mi khalh/ta chu a sua; taxi hi kawngthlang Assam Riffle bang hungna a sut chilha; a chhe hneh hle. Amaherawhchu vanneihthlak takin thi leh hliam an awmlo hlauh a ni. 20th. Tuesday: Mizo hmeichhe zaithiam lar leh hmeltha Felina Lalremruati chu C.Lalrokhuma (Puite-a) ex-MZP President nen Electric Veng Kohhran Biak Inah an innei. 21st. Wednesday: Larsap, Lt.Gen MM Lakhera chuan vawiin khan kum 72 a tling a, a piancham hi Raj Bhavan hnathawk-te'n an lawmsak. 22nd. Thursday: Tunkar Thawhlehni atanga tan YMA General Conference Chalfilh Run, Darlawna neih chu vawiin khan a tiak taa; nakum conference na tur atan Lunglei ruat ani. Kumpuan neih a ni leh dawna; kumpuan thupui atan 'Khawtlang nun siamthat' tih an thlang bawk. Nakum sorkar kum chhung atana YMA Budget atan Rs 5929700/- pass a ni. Kumin hi inthlan kum a nia; 2009-2011 chhung hruaitu atan heng mite hi thlan tlin anni: President: Pu Lalchungnunga, Ramhlun North. Vice President: Pu C.Zoramliana, Tuikual North. Secrectary: Pu Lalbiakzuala, Khatla. Asst. Secrectary: Pu Vanlalruata, Tuikual South. Tresurer: Pu R. Lalngheta, Hlimen. Fin. Secrectery: Pu J.Lalsailova, Mission Veng North. He conference-ah hian CM Pu Lal Thanhawla chu khuallian a ni. 23rd. Friday: Mashi Sangati Convention vawi 26-na, Bungkawnah tan a ni. He Convention-ah hian Hindi Bible School Principle Rev. John Sharma chu Speaker a niin thupui chu 'I Pathian tawk turin inpeih rawh' tih a ni. 24th. Saturday: Home Secretary, Pu Lalmalsawma chuan Tripura Camp-a awm Mizoram Bru Refugee-te lak let chu November thla chhung ngeia tan theih a beisei. 25th. Sunday:Zirtawpni atanga tan Mashi Sangati Convention chu zanin khan a tiak ta. He Convention-ah hian palai 3,000 chuang zet an tel a, Synod Mission Field hrang hrang atangin mi 98-in an chhim bawk a, ringthar, Baptisma chang mi 92 an awm a ni. 26th. Monday: MZP hruaitute chuan Youth Commission thil tum tipuitling tura theihtawp chhuah zel an tum. 27th. Tuesday: Mizorama khawpui hrang hrang – Aizawl, Lunglei, Saiha leh Champhai-a damlo enkawlna kawnga inrawn tawnna tura Internet hmanga inthlun zawmna, Telemedicine Service chu vawiin khan Chief Minister Pu Lal Thanhawla'n Aizawl Civil Hospitalah a tinung. 28th. Wednesday: Mara Autonomous District Council hnuaia VC 77 inthlanthatna ni 12-a neih tur chuan a vawrtawp a thleng ta. 29th. Thursday: New Capital Complex Welfare Committee chuan suahsual rawngbawltute lakah an veng chhung him taka vawn an tum. 30th. Friday: Bukpui khua chuan an khaw Branch YMA huaihawtin an khaw chhuak, Officer leh sakhaw rawngbawltu langsarte chawimawina hun an hmang. He chawimawina inkhawm, Bukpui khuaa neihah hian an khaw chhuak, sorkar officer ni lai leh ni tawhte leh sakhaw rawngbawltute, an vaiin mi 42 chu an khaw ,VCP Pu Lalengzauva'n an khawtlang aiawhin chawimawina Thangchhuah puan, Pangparthi leh Certificate a hlan a n 31st. Saturday: Zaipawl hriat hlawh tak, Baptist Choir, Aizawl te chuan kum khat teh meuh an buaitsaih hnu ah music video album 'Min chhandamtu' tih chu vawiin khan Upa C. Ramhluna, MLA Chanmari Hall-ah a tlangzarh. Lapaw- Chini
American chuan Cotton candy an ti a,English ho chuan Candyfloss an ti ngei ang. click pics for larger size
Aryana te ramah chuan Fairyfloss an ti mai thei.
Keini ramah chuan Lapawchini kan ti daih.Vai hoin engtin tak in a hming hi ko ve maw!
Candyman! Tingtang leh Phaiphuleng Lalpa-Neil Young.Neil Percival Young hi Ni12 Nov 1945 khan Toronto, Canada ah a lo pianga.Naupang hrisello tak ni in Polio te a vei chho va, tin phungzawl ( epilepsy) a nei bawk. Heti chung hian khawvel hriat thamin rimawi dangdai tak, tingtang leh phaiphuleng hmangin a rawn chhawp chhuak thei ani. Rock and Roll Hall of Fame ah pawh a hming hi tum hnih a lang tlat mai, a telna group Buffalo Springfield leh ama mimal hming in a hming hi ziah luh ani.
Acoustic claw hammer style hmang in ting tang hi a perh thin a, Martin D-45 leh D-28 te a hmang uar hle, electric lam ah chuan Les Paul Gibson 1953 leh 1956 issue te a hmanga, ‘Old Black’ ti in duat tak in a zut te vawng vawng thin.Hnam lam ah pawh a chiang thawkhat ni ngei tur ani, hun rei tak in leh lo neiin America ah khawsa mahse, Canadian Citizen nih na a la paih chuang lo. Environment lam ah a tui a, loneitu thian tha tak niin Farm Aid Concert te a huaihawt thin. A hla ah chuan Teach Your Children, tuna Vohbik in a thu Mizo tawnga siam danglam an sak hi hriat hlawh pawl tak niin, Woodstock tih te leh Heart of Gold te chu a lar hle. Ram tan a nunna thap, zahthiam dangdai!Milwaukee kawtthler pakhat ah chuan mi pali in sipai (army reservist) chu silai a tinin an suam mek a. Chupa pawisa ip (wallet), dollar 16, a chabi leh a cell phone (mobile phone) an chhuh sak a. A Tangka ip an han keu hawn chuan military ID an hmu ta. Chu chuan an rilru a ti danglam chiang ngei mai. A chabi tel lovin thil dang an pek kir leh pah chuan, a hna thawh avangin an zah/ngaihsan thu te sawiin, a chungah lawmthu te an sawi mai bakah, ngaihdam te an dil a ni. Chabi hi an kawl duh ve aniang a ti.
Hemi hnu mai hian hemi area ah tho minute 40 hnu velah, tum hnih ngawt mi 4 in mi 2 an suam leh a, pakhat phei chu a tlanchhe hman lo nghe nghe. “An mi suam pakhat zawk hi a Tangka ip chhungah chuan Jail tang tawh ID an hmu a, pek kir a ni velo thung a ni,” tiin CNN chuan a puang. Thu thenkhat lakna : http://www.foxnews.com/story/0,2933,573885,00.html |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
0 comments:
Post a Comment
The blog owner is not responsible for the post and comments made by the visitors or friends of Khankhup Sektak.