"mi(sual).com" - 9 new articles
Tawng hi awThil ngaihtuah chhuah ka nei a ka hming atang hian ka rawn post ve mai mai, tawng lo danglam theih dan hi. “Dika” english a lam chuan “D**k” a ni daih thei a(tumah ka hming ka hrilh tha duh lo) . “Fak” tih pawh hi “f**k” (Mizo tawng thiam lo zingah ka awm a ka hmang ngam der lo) Tiang lampang thawh tur nei chuan han thawh ve ula Love Story-IIThiam leh ril vang ni miah lo-in, Love story chhuak hmasa atang khan kan senior ten tha tak tak in kawl trit-tret tih ka hria a. A cho chhuah nan Hei le, Love Story-II ↲ Ka lo haider thin che a…↲ Tlangrel thuthang hria che-in, ↲ Awka tel lo che zia-in, ↲ Hraichawi mu pawh kuah lo-in, ↲ Min thlahlel tih lan tirin, ↲ Bawngtar pawn luangno tiin, ↲ Ka thlem ka hnem beiseiin, ↲ REMINDER: Today is your last day…to activate a valid IMEI number on your phone if your phone does not have an IMEI or the IMEI is invalid.
Read more here:
Displaying your IMEI number and the effect it has on your mobile phone: LINK Check if your IMEI number is authentic: LINK IMEI registration in India: LINK Hard Rock Night ah AIDS a thi Freddie Mercury lem inziahsiaknaDecember 18, 2009, AR Lammual a neih tur Hard Rock Night – In Rock We Trust chu inpuahchahna a kal mup mup tawh a. Sap hla rock thulkhung theh hawnna a ni ringawt dawn. Feature thar lemziakthiamte leh mobile phone hmang tangkai te tel theihna tur a awm leh ta tlat mai, mobile intihsiakna chu karleh lamah auh!! Hla hriat loh i nei mang dawn lova i zawmin i lam pui thei vek ang. Hard Rock zan hian duh duh a sak ngawt theih lova. Guns N Roses, Queen, Bon Jovi, Judas Priest, Ozzy Osbourne, Aerosmith, Metallica, Deep Purple, White Lion, Iron Maiden, Scorpions, Poison, Ugly Kid Joe, Def Leppard, Mr Big, Van Halen, CCR, White Snake leh Nazareth te atanga hla hit thlan chhuah chauh sak a ni dawn a. Jess Beyond (Andy n band) Saga (RK-a Bawitlung band), Hardray leh Freddie’s Nightmare te an che ang a.
Lemziak Freddie inzep tlat Hard Rock Night hi Vivel Ultra Pro sponsor a ni a, Active Sound, Event Solutions leh Assam Rifles te huaihawt a ni. SMS partner MobCOM a ni bawk.
Mizo footballer ten India tan an thawhhlawkIndia U – 19 team chu AFC U -19 championship ah final round khel turin in hlang kai zo lo mahse, India aiawh a khel Mizo tlangval panga te hi an fakawm a; an chhunawm bawk a. Qualifying round ah India chuan a pumpui ah goal 11 an thun a, heng zinga a goal 10 hi Mizo tlangval te thun hi a ni. India team ah an tel ve a ni satliah lo a, first XI a khel phak vek an ni a. Nakin lawk a India senior team khel phak tur a beisei te an ni. Hming : Jeje Lalpekhlua India U – 19 captain Jeje Lalpekhlua hi F Liankima leh Hnunpuii te fapa a ni a, Hnahthial Model Veng-a cheng an ni. Unau pathum niin tunah hian I-League club Pune FC-ah a khel. 2007 atang khan India team-ah hian a tel tawh. India footballer zingah Bhaichung Bhutia a ngaisang ber a, India ram pawnah chuan Cristiano.Ronaldo a ngaisang ber. India striker zingah chuan hmabak nei eng ber pawl a ni phak. Pune FC a zawm hma hian Mizoram aiawhin Mizoram XI hmingin Sikkim-ah te , Mizoram U -19 team hmingin Noagong (Assam), Mizoram XI hmingin (Kailasahar), North East Sport Festival(Sikkim), Mizoram U-21(Guwahati), Santosh Trophy 2008 (J&K), Santosh Trophy 2009 (Tirchy) ah te a lo khel tawh. State pawna a kal hmain FC Kulikawn leh Dinthar FC-ah te a lo khel tawh bawk. India aiawhin .(AFC U-19 2007& 2009) ah te a khel tawh. India tan vawi ruk khel tawhin goal thum a thun tawh. India ram pawnah Iran leh UAE ah te a kal tawh. Jeje hi SAFF Cup, kumin December thlaa tan tur-ah India in U -23 team a tirh turah a tel ang. Hemi hnu hian AFC Challenge Cup February 2010 leh 2010 Asian Games-ah te India aiawhin a kal dawn bawk a ni. ———————————— Hming : Malsawmfela Malsawmfela hi Power Department club lar vanglaia an winger tlan chak ni thin Vanlalliana fapa kha a ni. A nu chu Lalawmpuii niin, Zarkawt, Aizawl-ah an chhungkuain an cheng. India aiawh hian U-16 atangin kum 2007 khan a khel tawh. Kum 2007 khan Mohun Bagan Football Academy a zawm a, kum khat pawh a awm hmain India tan a khel. Academy lamah a kir tawh meuh lo. India tan vawi 29 khel tawhin goal 30 a thun tawh. India aiawha a khelh apiangin goal a thun ziah tihna a ni. India ram pawnah Germany (Exposure trip), Saudi Arabia (AFC Qfy), US (Exposure Trip), England (Exposure Trip), Uzbekistan (AFC U -17 Championship), Bhutan(Exibitionmatch),Dubai (Exposure Trip),Iraq (AFC Qfy) ah te a kal tawh. Mizoram aiawhin U -13 (Kol), U-14 (Chandigarh) U-16(Chennai) U-21(Chennai) leh ONGC Cup (Tripura) ah te a feh chhuak tawh. Mizoram pawna a awm hmain Lungmual FC-ah a khel tawh thin. Malsawmfela hian India aiawha a kal reng rengin goal a thun ziah a. Irag atanga a lo haw veleh I – League club Salgoacar-ah contrct ziak tur a beisei a ni. ———————————— Hming : R.Lalrindika R. Lalrindika hi India U-16 team-ah captain lo ni tawh thin a ni. Electric Veng, Lunglei-a mi niin, Rohmingthanga Ralte leh Lalmuanzuali te fapa a ni. Kum 8 vel a nih atangin football a khel tan a. Kum 2004 khan IFA Footbll Academy a zawm. Mizoram aiawhin vawi khat mah a la kal lo nachungin India aiawh chuan Germany (Exposure trip), Saudi Arabia (AFC Qfy), US (Exposure Trip), England (ExposureTrip), Uzbekistan (AFC U -17 Championship), Bhutan (Exibitionmatch), Dubai (Exposure Trip), Iraq (AFC Qfy) ah te a kal tawh. India tan vawi 32 khel tawhin goal 22 a thun tawh. Didika hi India U -19-ah a chet that em avangin SAFF Cup, kumin December thlaa neih tura India-in U-23 team a tirh turah tel ang. Hemi hnu hian AFC Challenge Cup February 2010 leh 2010 Asian Games ah te India aiawhin a kal dawn bawk a ni. ———————————— Hming : F.Lalrozama India tana vawi 10 khel tawh F. Lalrozama hi F.Rumliana leh Lalpuii, Bawngkawn-a mite fa panga zinga mi a ni. Kum 2007 khan India team-ah a tel tan. Tunah hian Pune FC ah a khel mek. Kum 2000 vel atangin tih tak zetin football a khel a, Mizoram aiawhin U-16 (2006) Chenai, Santosh Trophy (2008) ah te a khel tawh. Rozama hi Mohun Bagan Football Academy-a a awm laiin South East Asia aiawhin Mohun Bagan hmingin Manchester United Premier Cup 2006-ah England-ah a kal tawh. Tun tumah hian India U -19 team-a an defender rinrawl ber a ni. Tuna a khelhna club Pune FC tan II Division League atanga I – League I Division-a an kai theihna tur atana goal thuntu pawimawh tak a ni. ———————————— Hming : Malsawmkima Chhangte Mizo footballer tha zinga pa lian pawl, Chhangte tlangval, Malsawmkima hi C Zairemthanga leh Darhmingliani (Ramhlun Sport Complex) te fapa a ni. Subroto Cup (U-14) atanga bul tanin, U-16 National Football championship-ah Mizoram tan vawi hnih a khel leh. 2005-ah TFA a zawm a. Hemi chhungin Jharkhand hmingin U-19 ah a khel pha. India aiawhin AFC U -19 Championship, Tehran, Iran-ah a khel a, India U-19 team German tour-ah a tel. England leh Wales ah India aiawhin a khel tawh bawk. Heading leh shooting skill nei tha tak Sawmkima hian season tharah East Bengal-ah kum hnih atan contract a ziak tawh a. India U-19 team-a player rinrawl ber te zinga mi a ni. ———————————— Verdict in Mizo gangrape case todayUpdate: Dhaula Kuan rape case verdict deferred till Dec 7 Can we smell the bitter sweet scent of justice, finally?
Read more: IBNLive: Verdict in Delhi’s Dhaula Kuan gangrape case today Dhaula Kuan rape case verdict deferred till Dec 7Tuikuk assimilate chungchang kha…A tum a tum chi a nilo mai pawh nilovin, a sawia sawi rik ringawt pawh hi thil tih loh tawp tur ani. (nghal deuh buan buan a Tuikuk ho hi duh duh a tih kawi theih angin inlo under estimate ngawt ange.. a teuhlo mai, tuikuk zingah hian lehkhathiam an awm teuh tawh ang tih hi rin tur, tunah pawh hetiang lam article chhiar leh kan rilru put hmang ni a ngai hi an awm teuh tawh ang tuikuk zingah hian, kan chhaih kawlh mai mai ani. Kan hnam culture te rapbet a min assimilate tum tute chu tunge hawlo tehlul ang.. He thil kher hi ngaihtuah thuak aiin a serious ania.
History kan thlir’in hmanlai native american(Red Indian) ho rahbeh/assimilate a an awm zia te, British colonial policy tekha kan hre bel hlei hlui, a hunlai khan ziak in an hnutchhiah miahlo(ka hresual maitheia, mahse hetiang lama research titu ka hriat tepaw’n an agree..), chuti chung chuan tunlai Social Science lama research ti techuan an lepse hneh hle tho ani, policy tricky tak tak an hmang chung pawhin hrethiama duhlo tu an tawng reng thova, an powerful em avangin hun engemaw chen an kalpui hnu ah anti theih tawhloh hnu ah independent tepawh min pe ta hial anih kha. Lo tum ru pawh nise, hetiang taka inbum a har laia, lo auchhuah pui vel techu a, a ropui lo emai. Khawvel kalphungah hnam lian leh te an in awm pawlh chuan a lian zawk chuan dominate a assimilate hun pawh a nei nge ngei ang, tumlo mah ila khawvel kal dan in ala herchhuak tho tho dawn, mahse tun ang laiah a tuma tuma ziak te a hnutchhiah chi anilo tih hi ka sawi tum pakhat chu ani. Pathian thu tak pawhin(kristianna nena hmeh bel an uar bawka..) chinghne beram hmul sin ang maia hmangaih ang taka lana assimilate tum ruk reng si hi a diklo hrim hrim a, tun ang laiah chuan hnamdang culture pawh kan respect thiam tur zawk ani. missionary rilru takin sawi ta ila, hmangaih tak chunga dominate a assimilate tum talh thu va awm suh. Anihleh engtinnge kan tih tak ang… Kan hnena rawn kal ta chu, awm lo phalloh a lo hnawhchhuah ngawt hi thil tih chi ani chuanglova, mahse an awm hnu a min accuse theih natur zawng ran annih tehi hriat kar tur ani, (tunalaia thil thleng hi chu anmahni hel hovin villagers te zoram chhuahsan tura nawrin, tamtak anlo awm nghet ve tawh si a, an duhloh avangin nawr chhuah luih nan, an inte hal sakin mizo hal ah an puh mai ani ang a.. kati deuh). Hel reng chunga mizoram chhunga an awmve reng hian kanla buai phah tulh tulh thei, chuvangin Pu HT Sangliana sawi angin inremna siam hi kan tihtur ani a (inremna siam tehi, assimilate tum anga min hriat vaih chuan a harsa zo vek ang, chuvangin tum chi pawh anilo..), chutih laiin min seh theih natur siamsak lo tura fimkhur tur. Hetiang rilru an pu tih hre ran chunga autonomous district council pek te phei chu tih loh tawp tur ani. Mizorama an lungawia kan awm tlang dial diala, Pu HT Sangliana sawi anga kanla inneih pawlh hunah chuan district council tepawh ala ding mahna, amaherawhchu tunah chuan a ngaihtuah pawh ngaihtuah loh tur.. Kan hriat tur bawka ka duh chu, Heng hel velo leh rilru tha tak tak hi tamtak an awm ang, chung ho chuan, duhsak te, an culture respect te, chawikan te an phu ve tho ani. Chuvangin rilru zau tak pu a, chinghne beram hmul sin ang nilovin, an that natur tak tak ngaihtuah chunga kan dawr a tha in ka hria. Ama’rawhchu mizoram an chhuahsan ta vek anih leh, a pawilo ah kan ngai mai aniang chu. (kan off topic hmasaber tehang, misual ah hian a screen sirah awl a awm duai tho sia, a width tih zau dan tehi a awm lawmni, article tehi a lang thui hma thei lutuka, ziah vak pawh a inthlahrunawm alawmle. heheh!!) In Hmelhriat Tawn nan (Self Portrait)
Misual ho hi Krismas a hnai ta bawk a,in hmelhriat te pawh a tha tiin Self portrait ka han thawh hmasa a ni e. click pix for larger size
A hmasa zawk khi kan ti artistic ve vel a, hei chu a chiang deuh kuk ang chu maw. RualbanlovaBy Lalsanga Fanai, Maryland, USA KA SIKUL LUHDAN TLANGPUI Burma ram lamah:
Zanah lehkha an zir lai hian Kawl lehkha a, aw. b atangin ka zir ve a, heihi enge ni tiin ka lo zawt buai sek thin. Ka thianteho chuan a chang chuan i ninawm em mai min ti buai min concentrate that tir thei lo te an ti thina. A dik chiaha, ka lo ti buai ve fo lah taka. An thiamawm khawp mai. A chang zawngin mi an han hrilh ang lawp lawp a. Chutianga kum 5 lai ka zir ve takah chuan Kawl tawng tlem tlem ka chhiar thei ve sawk sawk a. A tawng phei chu ka la thiam tlem hle mai a. A kum leh chuan sumdawnna lam kan ti chhina. Ka hlawhtling ang reng nain, in man leh hlauh tur Police leh Land-Custom ho an nghal sia ka rilru a nuam vak lova. Sumdawnna lam pawh chu ka chawlhsan leh ta a. Kalewa Motor Workshop: Myohla Primary School Bul Min tansaktu: Zak viau maha ila zah loh ka tum lui tlat a. Myohla khaw chhung mi zawng zawng deuh thaw hian mak an ti a, Lala awm ve mai mai teh tar tawh hnua naupang chhe zinga han thut te zawng zah pawh i zak lawm ni, i hlawhtling chuang hlei lo ange an tia, ka sikul kal te hi mi an lo au luai luai thin a ni. Ka tukhum ka ti chhah lui ve tlata, a dik tak chuan an ngaihdan kha a dik chiaha, ka` pumrua leh ka kum en chuan an ti dik chiah reng a ni. Kum tawpah kan han exam a, Nazareth tlangvala zarah pawl li chu ka lo passed ve mial mai a, ka lawm a nia. Miin min auh eu lai te khan ka zak ve deuh thova, mahse heti hian ka chhang thin: Kamdin nan ka ti kher lova, mahse khawpui han kal changa mahni thutna tur number rel thutthleng number han zawn chhuah nan tak ngial pawh a tangkai a lawm, Mahni pawimawh chin fel nan ka ti a ni tiin ka chhang mai thin. Tahan Middle School Lamah Thung: Pawl 7 ah chuan ka tiat pui hlir an lo ni ta a. A zahthlak bik ta lova, kawl pui pakhat chu ka kheng thlaah ka in ngai mai. Kawl lehkha ka la thiam lo hle a, Alzebra ka thiam lo hle bawk a. A chhan chu mite chuan pawl 5, 6 ah alzebra an lo zir tawha, kei chuan mi kum hnih lo zir tawh hnuah kan hel nuai chho leh ta a ni a. Thiam loah pawh ka mawh bik loin ka in hria. Mahni thiam han in chantir tum ta ila. Pawl li atanga pawl 7 han thlawh khum duai mai zawng a turu lutuk deuhva, mahni tawng ni leh nghal si lo, Kawl tawnga zir a ni leh nghal nen han thiam viau ngaihna chu a awm bik lo chuan ka hria. Tichuan kan han exama, ka failed ta reng a ni. A kum leh chuan ka zir nawn leh a. Pathian zarah ka passed ve ta hlawl a. ka lawm hle mai. Pawl 7 ka pass te pawh hi ka special leh zel a ni. Pawl 7 ka zir nawn leh kum chuan Sorkarin dan an thlak hlauh mai a. Tumah private candidate a awm theih tawh lovang. State Board exam a ni tawh dawn lo an rawn ti leh ta zel a. Ka thiante private student ho chu an ipte an aka, an hawng ta hnak hnak mai a. Kei chu leh luhlul ka chhuah leh pek a, ka haw ve duh hlek lo mai a. Nitin ka kal zawm zela. Exam lo mah ila thiamna alawm ka mamawh ka tia, nitin ka kai tang tang a. Kum tawp lamah Mawlaik atangin School Inspector a lokala kan school chu a rawn inspect ta a. Kan Head Master U Ohn-a chuan inspector hnenah hei private student pakhat ka nei a, dan in thlak sia, mi dang an hawng vek a, a ni chu a hawng ve duh lova, a kai zawm zela, exam ka chhan tir ve mai dawn em ni? a lo tia, Chhan tir mai rawh a loti a, chumi thu kan head master in min han hrilh mai chu, ka mumang lah nisilo, chhun lai dar 12:30 chauh a la ni si. Ka mit ka han nuaia, ka mit vai a ni bawk silo. Ka lawm zia hi eng tawng mahin a hrilhfiah seng lo. Ka thiante chu exam thei sa an nia, lawmna chang an hre lem lo. Kei ve chu exam ve theih chauh pawh ka lawm tawk a tlinga. Thiante pass ai mahin exam theih chauh pawh ka lawm a nih chu. Kalemyo High School (Runpui) Thlasikah khua a vawh viau chuan student-ten hotute hnenah pawn niluma lehkha zir an dil chawk thin a. Kan hotu hian a vawt em ni? tia an zawh te hian thenkhatin Bro. Lalsanga hi en mai rawh, a hmul thi a dinga a ban a bawl tiam tiam mai anti thin a. Thianten vawt leh vawt lo teh nan min hmang thin zu nia. Eng angin ruah sur mahse ka sikul kal min dang ve ngai lo. Ka thian tha ka kal pui thin Kawlhema chu ruah asur deuh chuan kei chu ka kal peih lo ruah a sur a ti a, min kir san mai thin a. Kei ve thung chu ruah pui vanawn pawh sur raw sek sek ka tum nge ruh saruh ka tia, ka lawipa ruahdo kal miah miah mai thin a ni. Kawlhema kha chu a hlawhtling ta lo reng a. In atang chuan kan chhuak tlang thina, achang chuan cinema hall-ah te min pen san a. Achang in zu dawrahte min pen bo san thin. Han hlawhtlin ngaihna chu a awm vak lo a ni. Pawl 8 kan exam dawn tum chuan exam kha Inrinni (Sabbath)-ah a tla hlauh mai a, ka mangang hle. Kan U Kawlkunga ka puna kan Headmaster U Boa hnenah kan zu dila a lo theih aw zawng loh mai a, kan hlawhchham chiang khawp mai a. Chutih lai tak chuan Kan Missionary Pastor F.C. Wyman-a lokal hlauh mai a. A hnenah ka hrilh a, kan pahnih chuan kan kal ta a. Saptawngin kan hotu pa chu a han chhaihvel ta a. Sunday-ah exam min lo phal sak ta hlauh mai a. Mi dang Inrinnia an exam hnuah zawhna dang ka tan ngat an siama, hotu pahnih min vengturin a lo ruat bawk a, Sunday ni chuan ka chhang ve ta a, ka passed hlauh leh nghal a ka va han lawm teh lul em sawiin a siak lo! Heng Myohla, Tahan, leh Kalemyo Sikula ka luh lai zawng zawng hian mifate anga chawmtu neia duh tawka lehkha zir ka ni ve hauh lova. Achang chuan lei ka leta, ka in hlawhfa pah zel a. Achang chuan buhchi te ka pawt a, carpenter hnate ka thawk a, buhte ka phun pah bawk a, thawhtur ka hmuh chu ka vaihma vek mai. Sunday chawhnu lama nulate nen kan leng hlim lai te hi a tuk Monday nia buh phun tur in buh chi tel 20 min pawh sak rawh an tih te hian ka hawng vang vang a, ka in cheina ka hlip a, hnathawh kawr ka ha sawk sawk a, buhchi pawt turin ka thiante ka kalsan hmak thin. Nulate nen kan han len khawthawn (walking) dial dial laia hnathawh turin min hmuah avanga in lam pana han hawn hna hna mai bik chu ngaihtuah chu a ding duh thlawt mai. Mite hlawhtlinna angah ka hlawhtling ve lova, mite hlawhtlin lohnaah ka hlawhtlin a tul a ni ber in ka hria. Mite aiin ka fel ka ti hauh lo a nia. Kei anga tumruh leh puitlin hnua kum 23 hnua pawl lia han tan tha leh peih hi kan khaw chheh velah chuan ka hriat phakah tumah an awm ka hre lo, an awm a nih pawhin ka hre lo lo nise. Pawl 9 kan zir chho ve a, adik tak chuan hna tinreng thawk chunga zir ve mai mai tih takah, pawl 9 pawh ka han failed leh phawt a. Hnathawk chunga zir ka ni bawk a, tiin ka in thiam chawp ve zel a. Ka beidawng ngai chuang lo. Pastor Wyman-a kha a lo zin leh a. Sorkar school-ah chuan Sabbath problem a awm thina keimahni sikul Toungoo-ah lokal la student aid tlem kan pe ang che a, i tan a tha zawk ang min tih angin ka kal ta a. Kyauhtaing SDA Sikul Runpui Lamah Thung: Hetah pawh hian hna ka thawh leh a ngai a, kan hotu pakhat tui ka chawi sak thin a. Huan ka siam bawk a, ka thlai thar chhuah chhun chhun sikulin min lei sak vek bawk a, sikul hna pangngai ka thawk bawk thin. Sikulin camping karkhat an neih laiin kal lovin karkhat chhung hna ka lo thawk a. Sangliana nen balhla khur kan lo lai ngat ngat a, karkhat chhungin cheng 150 vel kan hlawh hman in ka in hria. In lam atangin ka nu tar tak tawhin pwisa min thawn thei lova, kan makpa Kawlkunga'n cheng 10 chiah min thawn ve a, chu chu ka sum dawn chhun a ni mai. Tichuan kumtawpah chuan kan Treasurer Pu Tin Moo-a chuan Bro Lalsanga leiba i nei lova, credit i nei bawk lo tih min han hrilh chu ka phu zawk mai a. Leiba lovin hlim takin ka hawng chho thei ta ni. Chapo thuah min lo ngaihsak lo ula, mahni in chawm chawpa sikul kai, an tih zingah hian tel ve tlak chu niin ka in hria. Kum a loin her zel a, kan han exam a, Pathian zarah ka passed ve mial mai chu awi ka rei! Kei ang em em in tumah va lawm suh tih loh theih a ni lo. Pawl 9 ka han passed ve takah chuan pawl 9 kawmchhak pa chu pawl 10 a lo ni ve reng tawh mai a. Pawl 10 han chhai chhin ve chu ka chak hle mai a, mahse sum lam ka nei ve der mai silova. Kum 5 chhunga ka buh hlawhchhuahsa tlem ka hralhna sum kha pawl 4-9 ka zir chhung khan ka in hmang da zo tawh si. Kawng chu a awng thui lo khawp mai. Pastor Murrill-a kan Missionary a lo kal a, "Bro. Lalsanga eng tia awm nge i tum?" a ti a. Matric han chhai chhin ve chu ka chak hle mai ka ti satliah a. "Pawisa i nei em ni?" a ti a. "Nei hauh lo mai" ka ti a. Sum i neih loh chuan Myaungmya Bible Seminary-ah kal ta zawk che a ti ta a. Ka hnial ngam lova, a thu ka zawm ta a ni. Myaungmya Zawlnei Sikulah Pawh. Chin Hills, Bukphir Ka Parawlna ram Bukphir ka awm lai hian Division High School Leaving Certificate (DHLC) an ti a, exam turin ka hming ka pe ve a. Chumi chhang tur chuan Rangoon-ah ka chhuk thla ta a. Kyauktaing ka awm laiin Maths 1&2 leh Bible, English ka lo chhang tawh a, ka passed hlawm a. Tunah chuan World History, Geography leh Civics chhang turin ka chhuk a ni. Exam room-ah kan han lut a, paper kan han en chuan World History ni lovin Indian History zawhna an rawn thawn tlat mai chu maw le. Ka thianpa phei chu a chhuak tau ta daih mai a. Kei chu le, ka beidawng leh duh lova, kan hotupa pawh chuan, "Bro. Lalsanga thahnemngai takin chhang la, ka tan pui ang che lehkha ka ziak ang e, i chah loh zawk an thawn hi i tih dik loh a ni love. Ngaihhna thiamna pawh an nei tur a ni" a ti a. Chu chuan min ti phur deuh a, Indian History kan chhang dawn ta a lawm maw le, Timur-a, Aurangzeb-a, Shahzehan-a chanchin ziak rawh words 250 velin a ti leh nghal a. Pian tirh atanga an hming pawh ka la hriat ngai reng reng loh mai an chanchin words 250 vel zel han ziah tur chu tuifinriata hriau tla zawn ang deuh hi niin ka hre ber mai. Ka han suangtuah vang vang a, Lal tawh phawtina an ram chhunga an tih tur chi, a tlangpuia dik thei tur chi, ka han dap kual vel a. Tehkhin nan: Lal chuan an khua leh tui an ram tan hmasawnna tur an zawng tlang pui thin a. Sumdawnna leh Economics lama hmasawnna, ram changkanna turin ram dangte nen an in dawr tawn bawk thin a. A ramah muanna leh himna thleng turin ram ven himna an ngaihtuah bawk thin a. Ram an hmangiha, mipui pawh an hmangaih bawk thin, tih thu lam hawi zawngin kan hrutchho ta a. Ka tlar phei ve ta duah mai a. Word 250 vel zet chu phuahchawp tur ka lo hre ve reng mai. Pathian tanpuinain result a lo chhuah chuan ka lo passed ve der a, ka lawm teh a ni a. Keia tan chuan thilmak (miracle) ropui pawl tak a ni hial awm e. Hming hriat ngai hawt loh essay ziaka pass pawh hi an tam vak chuan ka va han ring lo em! Spicer Memorial College (Pune) Nge nge: DHLC ka han passed ve takah chuan beisei phak loh pawh nise Lalpan leihlawn min lo dawhsakah chuan ka zui ve zel a. Lashio a kan awm laiin pawisa tlem tlem kan khawl ve a. Tichuan thiamna runpui sang kan pana kan thleng thla ve leh hlawl mai a. Thiante nen register kan han ti zova, a tuk chu class neih tawh tur a ni si a. Ka pian ahnu lamah College student te chu ka ni ve chiang ta hle mai. Zanah ngaihtha deuhvin atuka college student ni em em, ni hliah hliah turin ka han mu vang vang mai a. Ngaih a tha vang vang kher mai. Tun hmain college rah phak ka in ring ngai lo. Ka beisei phak loh ka ni ve ta. College ka kal hmasak ni ber chuan tihian ka ngaihtuah a, tunah chuan degree lak kher ka angai love, ti hian thi ta mai mah ila ka lungawi em em ang tih ka in hria. Pawisa bawk kha, Burma rama kan neih chhun kha kan mission-ah kan thun ve a, mahse Pu Pein Gyi Treasurer in a transfer duh leh lova, kan buai leh ta a. Pastor Stickle-a kan Division Treasurer-in thlatin Rs. 500 in min tanpui leh hlauh mai a. Keiin music roomah piano practice ho ka lo veng vel a, chumi pah chuan music room lehkha bu chhia zawng zawng ka siam a, thla khatah darkar 270 vel ka thawk thin. Ziki'n (a nupui) puan a thui a, China students 5 tan chawhhmeh a siamsak bawk a, chu chu kan ei ve nghal bawk a, kan awm ve thei hram hram a ni. Kan pen friend Pi Tingle-te hoin a chang changin sum tlem tlem min thawn bawk a, tichuan kum li chu kan lo pum hlumve thei ta der mai. Comprehensive kan ziak zova, Burma lam panin kan hawng chho ta vang vang mai a. Thing U Nauah Bible Seminary-ah hna ka thawk nghal a. Hemi kum hi 1975 July thla vel a ni a, October thla chuan result min han thawn a, envelope ka han hawng de de a, lung a phu dap dap mai a. Ka chhiar dan dan a, a tawp lamah chuan BA degree i hmu ta e tih ka han hmu chu, ka mittui a lo sur thla zung zung a, ka pian kum kum leh a thi ka pa min hmangaih em em tu kha ka rilruah a lo lang a. Ka insum zo ngang lo a ni. Ka pa la dam sela zawng a va han lawm ve dawn tak em! Ka beisei phak loh ka duh ve si, ka mumang chauhva ka man thin chu tunah chuan a neitu dik tak ka lo ni ve ta a. Ka nu ka han hrilh chu a lawm lutuk a, fahrah khaw mawng tawp a, mi hnu vai rama, rualban tih awm lo. Patlin hnua, naupang chum chiap zinga a pui leh a note ang m ai a, mi auh eu luai luai thin khan B.A. degree kan pumbil ve ta reng mai chu. Ka nu lawm lutuk a mittui a parawl kiang mai a, kan nufa chuan lawm avangin kan biangah mittui a lo luang leh ta a ni. America ram Khawizu leh Hnute tui Luanna Lei Zion Chutia thipui ka lo beh ve takah chuan hnathawh alo tul ta a. Thing U Nau Bible sikula ka thawh laiin sawmna ka dawng a. Myaungmya Bible Seminary-a thawk turin min sawm a, ka lawm hle a, ka zir chhan pawh a ni awm e. Tichuan Myaungmya lampan chuan kum1976 chuan ka chhuk thla leh ta vang vang a. Bible Seminary-a ka luh tawhna ka ekna ngaiah khan ka zu e leh ta a nih chu. Tunah hi chuan a zir lam ni tawh lovin zirtirtu ka lo ni ve ta a. Ekna ngai mahnise ek dan tal a lo danglam ve ta deuhva. Tun hma chuan miin e rawh an tihna hmun hmunah ek angai a, tunah chuan mahni duhna hmunah kan e thei ta a, mi dangte pawh ekna tur kan hrilhve thei ta zawk a, danglam tak chu a ni. Tirhkohna hna hi ka thawh chak ber ni thin mahse Zirtirtu ka han thawh takah chuan nuam ka tiin ka lo tui ve ta fu tho mai. Myaungmyaah chuan nitin school kan kaia reilote emaw ka tih chhungin kum 13 tal tap zu han thawk thei ia maw le. Ekna ngaiah kan lo e rei thei fu mai zawng a lo ni. Chumi hnu chuan America kal tumin ka bei a, Myaungmya ka awm chhung kum 13 chhung hian America kal tumin lehkha te ka thawn kual vela. Sponsor tute ka zawng a, University hrang hrang ka dawr kual ka dawr kual a, ka hlawhtling thei lo hle mai a. Mahimi hian ka pu America i kal meuh chuan i tar viau tawh anga, America i kal chuan Isua pawh a lokal tawh mai ang a, a ti fiamthu thin. Ka kal hi a ring lo em em mai a, kei lah ka beidawng duh bik silova. Buaina avangin Mizoramah ka chhuk thlaa, tichuan ka la tum chhun zawm zel a. A tawp a tawpah kum 53 val zen zawn ka nih hnuah America khawizu leh Hnute tui luanna Lei Zion an tih fo chu ka sapa thlen thlak ve tawp mai a ni. Pu Sangliana Fanaite inah ka innghata, heta tang hian nunkawng kan rel bawl tan ta a ni. America chu an duh tui deuhva, khilama kan degree kha an pawmduh vak lova. Eng course emaw tal lak angai leh ta a. Geriatic Nursing Assistance course ka'n la ve leh ta a. Sikul luh ka nin tawh teh reng nen hnathawk chung bawkin thla hnih vel class ka'n kal leh lauh lauh va. Exam-na a, mark zaah 90 vel hmuin ka lo passed ve mial a, a lawmawm kher mai. Chumi ka passed hnuah chuan ka hna tur dik tak ka thawk thei ta a. Presidential Wood Nursing Home-ah zan lam hna ka thawk ta tlauh tlauh mai a. Kum 53 nih hnua rilru puitlin hnua thawk ka ni bawk a. Hrehawm reng reng hi ka hre lova, thahnemngaih a na bawk a, thawhtur awm zawng zawng hi ka vaihma deuh vek mai a ni. Ka uan thu suh ah, hreawm hian min tuar zawk emaw tih tur a ni mai. Khami Certificate min pek kha a lolam viau a, Diploma chhete hi min pe ve ang tit tet a. Ka chhawr zek mai a, ka BA thipui behte kha chu ka lek chhuak ngai lova, hemi thla hnih lek ka laka ka neih te hi ka nun kawng hruaitu ropui tak alo ni zawk hlauh mai ni. Chu bakah ka thian Lalfela nen Virginia State-ah Medical Management Administration (MMA) class kan zu la sa sawi teh reng a. Buai em em in kar khatah ni thum lai kan zu thawk thla thin a. Thla thum lai chu kan hun kan zu khawhral ni hmiang. A tawpah chuan Certificate chu min pe ve ngei mai a, mahse hna kan dil chuan damdawi sem hna chu min pe duh hauh lo mai a. A chhan chu kan Certificate kha Virginia State tan chauhva hman theih a lo ni a, kan lunghahna Maryland a ni daih si a, engah mah kan hmng tangkai ta vak lo a ni ber e. Thiamna a ni a, a tha tho mai, Thipui ni mah suh se, thival ang velah han dah ta ila, Thi ve tak se su beh miah loh ai chuan beng chu a mawi ve tho e. Tuna ka thawhna BROOKE GROVE FOUNDATION & REHABILITATION-ah hian damdawi sem an mamawh ve ta a. Kha mi course ka lo lak sil tawh, a Certificate pawh ka lo sahuai thing vawn ve ran mai kha mamawh hun a lo thleng ta a. Virginia State ta anih avang khan ka chhawr fum fe thei lo naa, kan thawhnaah course an han offer leh chuan ka han la ve leh a, ka lo awlsam phah zek mai a. Maryland ta ngei mai chu ka lo nei ve leh ta a. Tichuan hemi hi hmangin Nursing hna leh Damdawi sem hna chu ka thawk kawp thei ve ta a ni. Myohla khawpui mawi atang bawkin aw…! Myohla khawpui hi namnul bomai chi a ni hauh lo mai a. Ka nunah phei chuan kawngro a su thui nasa em em a ni. Ka bul in tanna a ni a, he khua atanga tanin tuna America ka kal theihna tur a ka kawng lo sial ngiltu a ni tlat mai. Myohla Primary Sikul atanga tanin hei khawvel ram ropui ber America khawvel mi tam takin kal an chak em em chu kei teh lul hian ka lo ban phak ve ta reng mai. Chuvang chuan Myohla khua hi ka hmangaiha, a mi chengte hi ka hmangaih bawk a ni. An tan ka theih ang tawk tawka tanpui ka duh bawk a ni. A tawp berah chuan heng thil zawng khaikhawmna leh a bul tumtu, thipui min beh tir tu chu tu dang an ni love, Ka Nazareth Tlangvala bawk kha a ni. Keima tih theih pakhat te mah a awm lo. BA ka passed kha, ka kum 40-na in tan tirh chiah a ni a. Heng MMA, leh GNA vel hi chu kum 55 ka nih vela ka neih chauh a ni. Rei tawk tak chu ka la hmang ve thei zel chu a ni a, upain,"lehkha zirin tlai luat a awm lo," an lo tih hi a lo dik chiah tih hi keimah a tang pawh hian a lo dik chho ve ngei mai. Heng zawng zawng min petu Lal Isua hnenah chawimawina leh ropuina kumkhuain awm rawh se AMEN! Sikul ka luh tirh atangin mi hnuvai ramah Rualban lovin (Rual ban lova) tih tlakin naupang chumchiap zingah kawla ni chhuak chhiarin sikul ka kai ve a. Eng dang vang mah pawh a nilove, rual ka awh lutuk vang chauh niin ka hria. Nazareth Tlangvala khan ka ban phak loh te min ban tir a, ka kar phak loh pawhin leihlawn min dawh saka, ka thlen phak loh tur pawh min paw kai thin a. Aw, Nazareth tlangvala hi van ramah han hmuh thuai thuaia Lawm thu in hmatawn ngeia duh tawka han hrilh ka van chak tawh tak em!!! Thenrualte tumah hi ka ban pha ka tihna ni love, keimah leh keimah ka ban phak loh Nazareth Tlangvalan min ban phak tir ka tihna chauh a ni zawk e. Pu Hrawva hla ka hre reng thin: More Recent Articles |
hetiang lam topic hi in ning tawh viau maithei a, mahse heihi a pawimawh ka tih em avangin ka rawn post tha leh mai mai ani e ). 
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
0 comments:
Post a Comment
The blog owner is not responsible for the post and comments made by the visitors or friends of Khankhup Sektak.