Tonglawn Vangkhua

Tonglawn leh akim a gamte i chih chiang in aki gamgit pih khuate leh a
gam sung a om mun minthang deuhte i genna ahi.
Suah lam ah Tuizang ,Hiangmual leh Dumdephai te ahi uh. Tumlam ah
ahihleh Vokbual Khotung leh Khonuai ban ah Umtal peh Puaktam te ahi
uh. Sim lam ah ahihleh Sialsih leh Lengtonghoih (Bualmual) te a om ua,
Mallam ah Allu Singtam leh Thenzol te a om hi.

Lamka akipan 30Km valzek khong ahi ding. Singngat lam anai zaw a,
ahihziak in Lamka a muhteng singngat a omlou ahihman in Dawrkaina
lianpen tuh Lamka ahi. Lamka tun theihna ding in zuihding lampi mun
tuamtuam a omhi. Takvom lam, Singtangkhat tou lam leh Thenzol lam.
Takvom Lam: Takvom lam ichih chiang in Takvom tawn a pai a, Mission
Compund apan Kumsuk a Pearson te Kholai a paisuk a Lamka tunsuk genna
a hi. Hiai lampi in khua bangzah hiam tawnkha hi. Huaite Tuizang,
Hiangmual, (Dumdephai- hiaipen optional maimai ahii),Takvom,
Lenglakot, Bangkol chingte Khua, Suangpi , Churachand, Pearsonmun,
Bungmual, Phailian, Chiengkon, Hill Town, Mualveng, Police Station leh
Lamkanuai.

SINGTANGKHAT TOU: Hiai lampi tuh lamka zot theihna lampi omte lak a
mullit huai mahmah lamtou saupi petmah omna ahi. Tonglawn apan Tuizang
a pai in, tuizangte khoto lam a tuila kan, huai nung lamphei chihdan
deuh saulou om in huai bang tu....... thadou te khua tunma siah sihnak
a nak hekhek a pai na ahi. Vuaktang a paibek hile uh maw. Van puakzoh
tenten (gik mahmah chihna) pua in, lamtou a kizui tou ziahziah mai tuh
ngilni omthei nawn lou ding hi. Christmas kuan vanthak deihte, sek
khum puak a kiloh in sithu namzen in hiai lampi ah khoul kai niuniau
in ana pang uhi. Hiai apaite Zezaw khua a lutsuk in in Singngat a
hongkipan Bus te man in lamka Tungsuk thei uhi.

Thenzol Lam: Hiai lampi leng a haksa mahmah khat ahinawn hi. Tuizang
apan Thenzol tawn in Singngat kilut suk a, huai a pan Bus apai in
lamka nuamtak in tuntheih hi. By Thangkhenpau Guite