Love Story of Kamko and Pamo. PAITE PAU A TANGTHU|By Liankhankhup

      Denmark Tangval nou melhoih mah2 katheih ngei Kamko kichi mualdawn khota Sengo khota ah sumdawng'n nakho sa ngei hi. Kamko pen lasak jong siam a, ahìh hang'n kam bel siamvat lou hi. Anu Bembo pen Pathian limsak, thùmna hahkat mi hi a, zingsang teng'n a tapa guk leh tanu khatte ading'n Pasian mai thu a ngen tawntung nuhoih, nu manpha(Devine Beauty) ahi hi. Kamko toh Pamo Kimuhna: Nikhat Pa. Chinaos te inn ah Kamko va khawlai lèng hi. Chinaos Sangamnu Pamo a Ute kiang a school kaidia hong om toh apau louh hang'n khatvei kimuh na'n hoih kisa tuah uhi. School ah tonkhawmna hun lemtang mutam lou ua ,Pamo in bel class läklai na ngawn'n mitphelou in en2 a, Kamko'n a etkik chiang'n jumlua kisa'n sinuam liang hi. Pamo upa chinaos ji Kimpom in leng Kamko pen Pamo adia deihsak ahihman in Palai'n na pang a; hun tomno chik sung'n kingai'n damsung adin tuibang kigawm uhi. Kamko leh Pamo kikhen masakna: Pamo nu leh pa'n a tanu Denmark a om Kamko toh nu leh pa donglou'n ana kiteng uh chih ajak chiang'n kipah pih ua, ahih hang Singpi Tuilum tawi a Pupa dan a Nu leh Pa a dot masak louh uh mohsa uhi. Pamo pen inlam Greenland chiah kik pih uh a, Nu leh Pa nei nahih leh Nanu Napa leh In dongta tetoh hongkuan un; chi'n Pamo pa'n Kamko theisak hi. Kamko inkuante Songo ah: Kamko paneu Kaipo in bel,"Pamo nu leh pa'n hong khen ahi uh, jahlak sese sang'n vahoh dahni chi hi". Kamko'n bel a sungpa mihoìh dän chian ahih man in kun tei2 in apa neuzong phun num2 in Pamote Kholam Chiahta uhi. Pamo Kileh Kikna: Pamote khua Songo atun chiang un, a upmoh sang'n akuan lamte'n nuamsa in a paneu bang in a nung in "Mi tate siam hina maizen uh e" chi2 hi. Pupa dan in singpi khai, ankuang sawk khawmna nei ua; tuapan Pamo u leh pate'n Tonom tan vakha ua; tuapan Songo lam chiah kik uhi. Nupate'n Sengo lam zuan kìk: Sengo pen Business centre ban ah Governor pen Kamko Papi ahih man'n tuamun lam mah ah maban khualding in chiah uhi. Kamko leh a upa Gogo kikhenna: Kamko pen a upa Gogo pangbel a om ahih man in a sumdawnna ua piang,pung khempeuh Gogo a upa'n jang gai den ahihman in Kamko'n a u a ngaihdan gen a; a u nau un kisiat loh uhi. A papi Governor in Gogo pen asungte kholam ah a nau Kamko chiahsan dia agen bang'n Gogo in A business sumteng utoh chiah mang hi. Kamko leh Pamo Greenland ah: Kum bangzah hiamtak a Denmark a khosakna ngaihtuah a a omnung un, khosakna hoihjawk sem nadi lamen kawm in a sungte pang bel in khawsa hi. A sungte panpihna toh ama hahkat na jiak'n tawmno hong näkthei dawm a, furniture adia sing mantam tak2 leh gold business honpan hi. Business leh Inkuante: Kamko pen mi chitak, kuhkal ahihman in mite'n pakta mah2 ua, malai a kuamah phawkphak louh tu'n miten 'Sir' chita uhi. Business awlmoh luatjiak in inn ah kathum hal in nikhat vel phajel a; alawmnu bang lungkham theilua hi. Kamko in jong aji ata it mah2 napi'n amau maban ding khualna jiak in taw a meikhu pawt jen in kipei hi. Laigelh tupa leh a upa Kamko: Kum 2010 January in Greece apan inlam Greenland kachiah kik a, ka u Kamko summet bawlna French khopi ah sawllut in ka om hi. Greenland apan in ka u'n van honkhak a, Paris ah kakhiat louh chiang in London ah kava khejel hi. Business Lohsap masakna: Nikhat ka u'n Japan apan gold Gari nih $300 Million man di honkhak a, dah huaitak in agente'n khem in alempi, ahoih loupi ngen nahi a, $150 million nikhat thu in ka lost sak hi. Ka u ji Pamo'n a u khem hong hisak a, chiantak a bill ka submit nung nangawn in phun num2 den hi. Capital loss aki hihman in Greenland ka chiah kiknawn hi. Kamko in Sumdawn khawllou: Japan a gold a sumdawn lopsap nung Kamko in singlam chauh sumdawn pan a; sumpung la'n kipei a bangzah hiam kholkhia ahihman in Greenland khopi ah Innmun $4 Million in lei a, atapa 2 leh tanu nihte school kaisak in khawpi ah khawsa uhi. Kamko sumdawn lohsapna leh Siatna: Kamko in a sumdawnna ah naktak in lohsapna tuak a, a dawr khak in niteng nektawm ding tanpha in buai tahi. Aji'n lah panpih theilou a, amah lah chimoh kisa mah hi. Inkuan sung khawsak nadi lunggim toh, naute laisimna di lungkham toh, bat leh pan ditna di lungkham toh Kamko in tuate mangilh nading in khamtheih tuam2 honhih pan hi. Pamo u Lapomx Governor of Greece: Alang khat lam ah Kamko leh Pamo sumdawnna alohsap hang un, Pamo upa in Governor post adin guan in om a, aman jong tawm nou2 in panpih a, nupate gel jumlua, beidonglua kisakna lam in kisel, kitawng leh kina den uhi. Pamo in a upa Governor hongchin chiang'n hongki sathei pian a, apasal hoihlouh nate liahkhuh sang'n hon tangkou a; apasal bang maikawk ta hi. Lungkham leh beidong kisa mah leh, Kamko pen Kamko mah hi a; a guk in azi bawl dan pen lungkim hetlou hi. Azi'n theisiam in hehnem in panpih leh ut mah2 hi. Kamo Drug addict: A zing ajan a leitung a a itpen in a hankhum chiang'n, Kamko pen khamtheih a naktak a kibual in hong khosa ta hi. Kamko leh Pamo kikhen nihveina: Nikhat Kamkaw khawlai vak hongtun in Pasal meltheih louh khat in Pamo sum napia a; Kamko in a kansui leh aji'n ana boh(fight) mawk hi. Kamko jong pasal chi'n hehlua in aji na bengkha a, Pamo nochiah hi. A sangam pa Governor a ching milian mijah tak huai ahihman in, makpa thulimlou ju dawn, khamtheih hih Governor makpa ahi michih di jum man in lemtang a la'n damsung in kikhen uhen chi'n paujoh man in a inn alou laksak in Kamko atate toh hiaitan chin gelh ahihtan in Greenland khawpi ah vakvai uhi. Greenland mite shock mah2 ua, Governor bel a thilhih ah lohching kisa mah2 hi. Kamko beidong kisa mah2 in kristian suah ut a, Pastor in Jesu tungtawn in bangkim hihtheih ahi" achih Jesu'n amah bawlhoih jou mah2 ding um in lunggulh mah2 hi. Ahihhang'n hiai mikhial khat in ah kumah dak utlou ua, Church apat nohkhiak sawmjaw uhi.

 (The story is based on facts and it is written in the form of Metaphor). Copyright © khuppaite.blogspot.com2006-2013 | All Right Reserve

 Love Story of Kamko and Pamo -2. " Na gou omna ah lungsim a om" , chih pupate thugil ah imuh bang in; khamtheih jongsang'n hehluat man'n Tùn leh Zùa te'n sam gibang akhen jong un; Pamo'n atate ngaihna leh apasal itna beituan lou hi. Aguk in kap2 a, anu leh pa leh ute theih in bel poi salou tak in om hi. Bang hang a hibang thil katung a ongtung hiam chi'n ngaihsun kik phathak a- akhen chiah kuahiam mohsa'n, anu leh pate ngoh jel a, apasal lui hang hi china pi; amah leh amah moh kisa hi. A hinkhua ning mah2 a; taih mangsan theih a zalmang tangthei leh chi2 mai hi. Kenbel ka lawmpa Kamko tanchin kajak chiang Pasian mai kathum sak a, banghang a kiit mah2 a Pasian mai damsung a asia apha, nopni dahni, ka pasal/zi mitdel, khebei khutbei ahi jong'n ka it ding a, kagin omdi chite'n tua gibang kikhen thei uhiam; kachi2 hi. A kipat na pen thu neunou khat hia, tu'n damsung daih ding suak mawk hi. Thu leh la, gen leh sak tam mah2 a, mawhsak dipen jong kathei tuan kei hi. Hun leh nite hong beizel a, nupate gel zong kingai tuah mah2 uhi. Mi khenkhat in Pamo'n pasal laisiam, sepna nei, mihoih jaw toh kijop man a pasal musia hi chipawl tam a, Kamko'n bel keimoh na hi chi hi. A sungpa'n ah naute toh valùt a, a sungpa'n katanu vopa chi'n abantang a kaikhia'n Innsung lutsak lou hi. Kamko pen kamsiam louhtoh, jawn toh bangmah neilou lai hi. Inkuan sungpen nù omlou a buching lou ahihman in Naupangte nuthak ding ngaihtuah kin poimoh ding bang hi. Tagah lou dinglai te tagah sak mite Pasian in a tungthu vaihawm ta hen. Hauhman a meithai tagah simmoh, nuaisiah mi Pasian in lumlet ta hen. Bangteng I gen hang'n Kamko pen in kin leh buang a khamtheih koihkiat haksa sa a, awl awl in kaki sin di, kenjong kaning lopet mah; chi2 hi. Tate maban school kaina khawldi dinmun in om a; amaban ding uh mial mah2 hi.